АҚШнинг Калифорния штати пойтахти Сакраментода оғриқ қолдирувчи дорилар дозасини ошириб юборганлиги туфайли 12 киши нобуд бўлди. Бу ҳақда 27 апрель, чоршанба куни ABC телеканали маълум қилди, дея хабар беради «Интерфакс».
«Сакраментода камида 12 киши Norco оғриқ қолдирувчисига ўхшаш тайёрланган дориларни ўлимга олиб келувчи дозаларда қабул қилган, март ойи охиридан бери эса 52 та заҳарланиш ҳолати қайд этилган. Қалбаки дорилар Сан-Франциско бўғози ҳудудида ҳам аниқланган. Маҳаллий клиникаларга уларни қўллагандан сўнг нафас олиш қийинлашиши, кўнгил айнишидан шикоят қилган етти киши мурожаат этган. Дориларда кучли опийли анальетик — фентанил аниқланган», — дея хабар берган телеканал.
Наркотикларга қарши кураш бошқармаси махсус агенти Кейси Реттигнинг билдиришича, фентанил Хитойда ишлаб чиқарилиб, Мексикага юборилади ва бу ердан чегара орқали АҚШга ўтказилади. Наркосавдогарлар эса уни героин билан аралаштириб, наркотик кўринишида сотади.
Изоҳ (0)