АҚШ адлия вазирлиги Нью-Йоркдаги наркотиклар билан боғлиқ ишни текширишда iPhone смартфонидаги маълумотларни олиш учун Apple ёрдамига муҳтож эмас. Бу ҳақда «ТАСС» хабар бермоқда.
Reuters манбаларига кўра, прокуратура Нью-Йоркнинг Бруклин судига терговчилар смартфондаги маълумотларни олиш масаласини мустақил ҳал этгани ҳақида мактуб жўнатган.
Сўз бораётган қурилма тергов манфаатларини кўзлаб моҳияти ошкор қилинмаётган наркотиклар билан боғлиқ жиноий ишга алоқадорлиги билдирилмоқда. Расмийлар ўтган йил октябрида суд тартибида компанияни iPhone’ни очишга мажбур этди, бироқ мазкур ишни кўриб чиққан нью-йорклик судья Жеймс Оренстейн февраль охирида Apple ўз ихтиёрига қарши терговчиларга ёрдам беришга мажбур эмаслиги ҳақида ҳукм чиқарди.
Март ойида АҚШ адлия вазирлиги ушбу қарорга шикоят билдиришини, апрелда эса корпорация кўмак беришига эришиш ниятидалигини маълум қилганди.
Изоҳ (0)