БМТ Хавфсизлик Кенгаши Ливия қирғоқлари яқинида кема ҳалокатга учраши оқибатида 500 га яқин муҳожир ҳалок бўлганидан афсусланиш билдирди ва қочқинларни ноқонуний ташишга қарши кураш бўйича давлатларнинг уринишларини мувофиқлаштиришга чақирди. 22 апрель, жума куни матбуот учун қабул қилинган баёнотда кенгаш аъзолари содир бўлган ҳодисани «фожиа» деб атади, деб хабар беради «ТАСС».
Хавфсизлик Кенгаши бу фожиага дахлдор бўлган барчага чуқур ҳамдардлик изҳор этди, шунингдек, ноқонуний ташиш билан шуғулланувчи трансмиллий жиноий гуруҳлар фаолияти минтақавий барқарорлик учун туғдираётган таҳдиддан чуқур хавотир билдирди. Бундай ҳаракатларни қоралаб, айбдорларни жавобгарликка тортишга чақирди.
Европага боришга ҳаракат қилган ва Ливия қирғоқлари яқинида ҳалокатга учраган кемада юзлаб қочқинлар ҳалок бўлгани ҳақида 20 апрель куни БМТ муҳожирлар ишлари бўйича олий комиссари бошқармаси ва минграция бўйича халқаро ташкилот хабар берди. Ҳалокат ҳақида Грециянинг Каламата шаҳрига етиб боришга муваффақ бўлган муҳожирлар маълум қилди. Тирик қолганлар орасида Сомали, Судан ва Эфиопия фуқаролари бор.
Изоҳ (0)