Тошкент шаҳридаги 9- ва 13-трамвай йўналишларининг иши 22 апрелдан бутунлай тўхтатилади. Бу ҳақда, «Тошшаҳартрансхизмат»га асосланиб, Uz24 хабар бермоқда.
Айтилишича, ушбу йўналишларни тугатиш ҳақидаги буйруқ бугун, 21 апрель куни чиқарилган.
17- ва 8-трамвайлар иши тахминан 1 июнга қадар давом этади.
Маълум бўлишича, трамвай деполари ишчилари қайта тайёргарликдан ўтиб, Тошкент метрополитенида ёки «Тошшаҳартрансхизмат»нинг бошқа бўлинмаларида иш билан таъминланиши мумкин бўлади.
Эслатиб ўтамиз, аввалроқ 20 апрелдан бошлаб 9-рақамли («Тошкент» вокзали — «Чилонзор-26» даҳаси) ва 13-рақамли («Тошкент» вокзали — «Қўйлиқ маркази») йўналишдаги трамвайлар ҳаракатланишдан тўхташи хабар берилган эди. Аммо бу режа амалга ошмай қолди — 20 апрель, чоршанба куни трамвайлар қатновни давом эттирди.
Изоҳ (0)