Замонавий технологияларидан фойдаланган ҳолда, UzMobile катта биноларда алоқа сифатини яхшилашга қаратилган режасини амалга оширишни бошлади. Бу ҳақда компания матбуот хизмати хабар бермоқда.
Кўрсатилаётган хизматлар сифатини яхшилаш мақсадида, оператор томонидан катта майдонга эга бўлган (сотув марказлари, кўргазма марказлари, бизнес марказлари, офис бинолари ва ҳоказо) биноларда радиоузатишни қисмли тақсимловчи база станциялари ускуналари (Lamp Site) ўрнатилмоқда.
Мазкур инновацион ечим кичик антеннали радиоблоклардан ташкил топган бўлиб, унинг кичик ҳажми шифт ва деворга ўрнатишга имкон яратади. Уларни чироқ ёки датчикка ўрнатиш ҳам мумкин. Lamp Site – бу мавжуд база станциялари контроллерига уланган база станцияси бўлиб, қамров тармоқларини бино ичида макро даражали тармоқлар билан юқори синергиясини таъминлайди. Шуни таъкидлаб ўтиш керакки, режалаштирилган натижаларга эришиш учун «Ўзбектелеком» АК «ТШТТ» филиали томонидан тақдим этилаётган «Сўнгги миль» ишончли ечими орқали, ички қамров ечими UzMobile томонидан амалга оширилади.
Samarqand Darvoza кўнгилочар савдо марказида бундай ускуналар ўрнатиб бўлинди, энди абонентлар узлуксиз тармоқда бўлиш, қўнғироқларни амалга ошириш ва UzMobile тармоғи қамровида сифатли алоқада бўлиш имкониятига эга.
Изоҳ (0)