Тошкентда 9 ва 13-трамвайлар қатнашда давом этмоқда

Тошкентда режалаштирилган 9 ва 13-трамвай йўналишлари ёпилиши амалга ошмади. 20 апрель, чоршанба куни трамвайлар қатновни давом эттирди, деб ёзади «Газета.uz».

«Тошкент трамвайи» нашрга маълум қилишича, ушбу трамвайлар ҳаракати яна икки кунга узайтирилган, бироқ бу муддат ҳам ўзгариши мумкин.

Нашр таъкидлашича, мазкур икки йўналиш ёпилиши кутилган кун — 19 апрелда вагонлар йўловчилар билан тўла бўлган. Одамлар трамвайда сўнгги сайрни амалга ошириш учун атайлаб фарзандлари билан келган.

Эслатиб ўтамиз, аввалроқ 20 апрелдан бошлаб 9-рақамли («Тошкент» вокзали — «Чилонзор-26» даҳаси) ва 13-рақамли («Тошкент» вокзали — «Қўйлиқ маркази») йўналишдаги трамвайлар ҳаракатланишдан тўхташи хабар берилган эди.