Тошкентда кўп қаватли янги уй-жой мажмуаларининг қурилиши жадаллик билан давом этмоқда. Шаҳарнинг қарийб барча туманларида бугун камида беш қаватли янги қуриб битказилган ёки қурилиши энди бошланган турар-жойга кўзингиз тушади — талабга яраша таклиф.
Эътиборли томони, харидорда нафақат ўзига мақбул туман, даҳа, мажмуа, қават ва ҳоказо кўрсаткичлар бўйича уй, балки шу уй учун тўлов турини танлаш имконияти ҳам бор. Бунда харидорни фақат ва фақат рағбатлантирадиган вариантлар ҳам борлиги квартиранинг бўлажак соҳибларини қувонтирмаслиги мумкин эмас.
«Uybor.uz» лойиҳаси билан ҳамкорликда тайёрланган навбатдаги мақоламизда Тошкент шаҳрида янги қурилаётган ва квартиралари бўлиб-бўлиб тўлаш шарти билан (кўпроқ «рассрочка» атамаси машҳурроқ ва тушунарлироқ) сотиладиган компаниялар ҳақида маълумот берамиз.
Аввало, тушунчалар ўртасидаги чегарани аниқ билиб олиш зарур: бўлиб-бўлиб тўлаш шарти билан сотиб олиш — уйни ипотека кредитига сотиб олиш эмас. Кредит одатда қуриб битказилган, тайёр ҳолда топширилаётган хонадонлар учун расмийлаштирилади, пули 10—15 йил давомида тўланади ва уй нархи устига сезиларли фоиз қўшилади.
Бўлиб-бўлиб тўлаш шарти билан сотиб олишнинг йўриғи бошқачароқ — у ҳали қуриб бўлинмаган, лекин қурилиши бошланган (пойдевори қўйилган) уйдаги хонадон учун расмийлаштирилади, дастлаб квартира қийматининг маълум бир қисми (масалан, 20 фоизи) тўланади, қолгани эса қисқа муддат ичида — дейлик, 6—12 ой ичида тўлаб бўлиниши керак. Ютуқли томони, 6—12 ой ичида қурилиш молларининг нархи, тайёр хонадоннинг нархи ўсиши мумкин, лекин аксарият ҳолларда «рассрочка»га олинган уй нархи ўзгармайди.
Ҳозирги вақтда Bauraum Group, Art Build Plus, Dolores Asia Tours, Semurg Business Invest, Inshoat tamir qurilish loyiha, New Light Invest, Qurilish Industriya Hajmli Uy-joy, Agate Style, OS Minora каби компаниялар Тошкент шаҳрида қураётган кўп қаватли турар-жой мажмуаларидаги хонадонларни бўлиб-бўлиб тўлаш шарти билан сотмоқда.
Inshoat tamir qurilish loyiha
Ушбу компания Яккасарой туманида саккиз қаватли турар-жой мажмуаси қураётгани ҳақида аввалроқ ёзгандик. Мажмуа яшовчисига айланишнинг дастлабки тўлов миқдори хонадон қийматининг 50 фоизидан кам бўлмаслиги керак. Қолган сумма узоғи билан бир йил ичида тўланиши керак. Агар олти ой ичида тўланса, уй нархига 10 фоиз устама ҳақ, агар 12 ой ичида тўлаб бўлинса, 20 фоиз устама ҳақ қўшилади. Харидор тўловни хоҳласа пул ўтказиш, хоҳласа нақд пул кўринишида амалга ошириши мумкин. Тафсилотлар.Bauraum Group
Олмазор туманида қурилаётган 15 та кўп қаватли уйдан иборат «Қорасарой» уй-жой мажмуаси — Bauraum Group’нинг лойиҳасидир. Квадратураси 57 квадрат метрдан 136 квадрат метргача бўлган хонадонлардан бирининг эгасига айланиш учун дастлаб квартира нархининг камида 25 фоизи миқдорида тўловни амалга ошириш керак. Қолган суммани кейинги олти ой ичида тўлаб тугатиш талаб этилади. Олти ойлик тўлов даври учун устама ҳақ қўшилмайди, тўлов — пул ўтказиш йўли билан ёки нақд пул, пластик карта воситасида. Тафсилотлар.New Light Invest
Мазкур компания хонадонларидан бирини бўлиб-бўлиб тўлаш шарти билан сотиб олиш ниятида бўлган харидорлар дастлаб уй нархининг камида 25 фоизини тўлаши керак. Қолган суммани уй қуриб битказилгунига қадар — 3—4 ой давомида тўланиши сўралади. Масалан, дастлаб 25 фоиз тўлов амалга оширилса, кейинги уч ой давомида сумманинг қолган 75 фоизини ҳар ой тенг миқдорда, яъни, 25 фоиздан тўлаб бориш керак. Тафсилотлар.Semurg Business Invest
Компания Сергели-5 даҳасида янги қурилаётган саккиз қаватли уйдаги хонадонларни сотиб олиш истагида бўлган харидорлар учун «рассрочка»нинг икки хил вариантини таклиф қилади. Ҳар иккала вариантда ҳам дастлаб камида 25 фоизлик биринчи тўловни амалга ошириш керак. Шундан сўнг, биринчи вариант бўйича —сумманинг иккинчи 25 фоизи 12 ой ичида бўлиб тўланади, қолган 50 фоизи эса дарҳол тўланиши керак ёки унга ипотека кредитини расмийлаштириш мумкин. Иккинчи вариантда — қолган 75 фоизлик сумма икки йил ичида бўлиб-бўлиб тугатилиши керак. Тўлов — харидор хоҳлаган усулда, бўлиб тўлаш даврида нарх устига қўшимча фоиз ёзилмайди. Тафсилотлар.Art Build Plus
Қорақамиш даҳасида иккита кўп қаватли уй қураётган бу компания харидорларида ҳам иккита вариант бор — биринчи уйдан хонадон сотиб олмоқчи бўлганлар дастлабки тўловдан қолган суммани олти ой ичида, иккинчи уйдан хонадон сотиб олмоқчи бўлганлар эса10 ой ичида тўлаб тугатиши керак. Дастлабки тўлов ҳажми эса — уй қийматининг 50 фоизи миқдорида. Тўлов харидор хоҳлаган кўринишда амалга оширилади. Маълумот учун, савдога қўйилган хонадонларнинг квадратураси 42,3 квадрат метрдан 114 квадрат метргача фарқланади. Тафсилотлар.Dolores Asia Tours
Компания томонидан «Бунёдкор» кўчаси ёқасида қурилаётган бино 2016 йилда фойдаланишга топширилади, бўлиб-бўлиб тўлаш шарти билан сотиб олиш имконияти эса фақат қурилиш даври учун амал қилади. Шундай экан, икки хонадонни қўшиб, етти хонали «ҳовли»ни қўлга киритиши мумкин бўлган харидорларда ҳали тахминан олти ойча вақт бор. Компания шартларига кўра, биринчи тўлов уй қийматининг камида 20 фоизи (кўпи билан 30 фоизи)ни ташкил этади. Қолган сумма, таъкидланганидек, октябргача тўлаб бўлиниши керак. Тўлов даври тугагунча хонадон нархига қўшимча фоиз ҳисобланмайди, тўлов эса харидор учун қулай усулда. Тафсилотлар.Qurilish Industriya Hajmli Uy-joy
Компания томонидан қурилаётган кўп қаватли уйлардан квартирани биринчи 40 фоизлик тўловни амалга ошириб, бўлиб-бўлиб тўлаш шарти билан сотиб олиш мумкин. Пулнинг қолган қисми бир йил ичида тўлаб тугатилиши талаб этилади. Тўловни хоҳланг нақд пул кўринишида, хоҳланг пул ўтказиш йўли билан амалга оширинг. Тафсилотлар.Agate Style
Компания ўз ихтиёридаги хонадонларни 50 фоизлик «рассрочка» билан сотади. Яъни, дастлаб квартира қийматининг 50 фоизини тўлайсиз, қолган суммани қурилиш битгунича тўлаб тугатишингиз керак. Тўловни фақат пул ўтказиш йўли билан амалга ошириш мумкин, квартира нархи тўлиқ сумма тўлаб бўлинмагунича ўзгармайди. Харидорларга таклиф қилинаётган уй битай деб қолган. Тафсилотлар.OS Minora
АҚШнинг Тошкентдаги элчихонаси яқинида қурилган янги тўққиз қаватли уйдан хонадонларни бўлиб-бўлиб тўлаш шарти билан сотиб олиш мумкин. Дастлабки тўлов миқдори 25 фоиздан кам бўлмаслиги керак (биринчи тўлов миқдоридан келиб чиқиб қурилиш даврида чегирмалар ҳам тақдим этилади). Қолган сумма 12—18 ой ичида тўланиши керак, пул тўлаб бўлингунича шартнома имзоланган вақтдаги нарх ўзгармайди. Тўловни исталган турда амалга ошириш мумкин. Тафсилотлар.«Uybor.uz» сайти янги иншоот қуриш ва сотиш билан шуғулланувчи юқоридаги барча ташкилотлар билан ҳамкорликда ишлайди. Тошкент шаҳрида янги иншоотларда сотилаётган барча квартираларни кўриб чиқиш истагида бўлсангиз, «Uybor.uz»га ўтишингизни тавсия қиламиз.
Реклама ҳуқуқи асосида
Изоҳ (0)