Лаос пойтахтида ўз ишини бошлаган саккизинчи чақириқ Миллий мажлис (парламент) биринчи сессиясида мамлакат олий раҳбарияти, жумладан, президент, вице-президент ва бош вазир сайланди. Бу ҳақда «ТАСС» хабар бермоқда.
Олдин вице-президент бўлиб ишлаб келган 73 ёшли Буннянг Волачит беш йил муддатга Лаос президенти этиб тасдиқланди. У январда бўлиб ўтган ҳукмрон Лаос халқ-инқилоб партияси Х съездида партиянинг Марказий қўмитаси бош котиби этиб сайланганди. Мамлакат конституциясига кўра, мазкур қўмита бош котиби бир пайтнинг ўзида давлат раҳбари ҳам ҳисобланади.
Миллий мажлис шу пайтгача таълим ва спорт вазири бўлган Фанкхам Випхаванни вице-президент, ташқи ишлар вазири бўлиб ишлаб келган Тхонглоун Сисулитни бош вазир сифатида тасдиқлади.
Изоҳ (0)