Ўзбекистоннинг биринчи ракеткаси Сабина Шарипова Хитойнинг Шэньчжэнь шаҳрида давом этаётган, мукофот жамғармаси 50 минг долларга тенг ITF туркумидаги теннис турнирининг чорак финалчисига айланди, деб хабар беради «Оламспорт».
21 ёшли ўзбекистонлик теннисчи иккинчи даврада хитойлик Жинг-Жинг Луга қарши баҳс олиб борди. Бир соату бир дақиқа давом этган беллашувда 6:1, 6:3 ҳисоби қайд этилиб, Шарипованинг фойдасига ҳал бўлди ва у чорак финал йўлланмасини қўлга киритди.
Эслатиб ўтамиз, биринчи даврада Ўзбекистон вакили мезбон теннисчи Лин Чжуни 6:3, 6:4 ҳисобида мағлубятга учратганди.
Мусобақанинг чорак финалида Сабина Шарипова хитойлик Чанг Люга қарши кортга чиқади.
Изоҳ (0)