Португалиялик қоидасиз жанглар (MMA, Mixed Martial Arts) иштирокчиси Жоау Карвалью Ирландия пойтахтида бўлиб ўтган Total Extreme Fighting беллашувининг учинчи раундида техник нокаут билан америкалик Чарли Уордга имкониятни бой берди. Бу ҳақда «Газета.ru» хабар бермоқда.
Жанг якунланганидан сўнг спортчи бошидаги қаттиқ оғриқлардан шикоят қилди. Гарчи шифокорлар унда жиддий жароҳатларни аниқламаган бўлса-да, биринчи ёрдам кўрсатилиб, касалхонага етказилди.
Карвалью касалхонада операцияни бошидан ўтказди, бироқ ҳолати ўнгланмади: 12 апрель, сешанбага ўтар кечаси спортчи Дублиндаги Beaumont Hospital’да 28 ёшида оламдан ўтди.
Изоҳ (0)