Миср ва Саудия Арабистони икки давлат ўртасидаги денгиз чегарасини делимитация қилиш ҳақидаги келишувни имзолади. Мазкур келишувга кўра, Қизил денгиздаги Қоҳира назоратида бўлган баҳсли Тиран ва Санафир ороллари Ар-Риёдга ўтди, дея хабар беради «ТАСС».
«Ороллар Саудия Арабистони ҳудудий сувларига расман киритилди. Бу икки мамлакатга ҳам махсус иқтисодий ҳудуддан наф олишга имкон беради», — дейилади 9 апрель, шанба куни эълон қилинган Миср ҳукумати баёнотида. Имзоланган ҳужжат парламент томонидан ратификация қилиниши лозим.
Бир қатор экспертлар ва мухолифатчилар ушбу келишувнинг қонуний эканлигига шубҳа билан қарамоқда.
Эслатиб ўтамиз, олдинроқ икки давлат Қизил денгиз бўйлаб ўтувчи ҳамда Мисрнинг Синай ярим оролини Саудия Арабистони билан боғловчи кўприк қурилиши ҳақида келишиб олгани ҳақида хабар берилганди.
Изоҳ (0)