Бельгияда 22 март куни терактларни амалга оширган террорчилар дастлаб Францияга иккинчи ҳужумни режалаштирган. Бироқ жиноятчилар «ўтказилаётган текширув тезкорлигидан шошиб қолган» ва шу сабабли Брюсселга ҳужум уюштиришга қарор қилган. Бу ҳақда Бельгия прокуратураси маълум қилди, дея хабар беради «РБК».
Associated Press агентлигининг таъкидлашича, мазкур баёнот Брюсселда терактлардан бир ҳафта аввал ўтказилган ҳибсга олиш ва рейдлар туркуми, шунингдек, Париж терактларида асосий гумонланувчи Салоҳ Абдисломнинг қўлга олиниши террорчиларни кескин ҳаракатларга ундагани ҳақидаги тахминларни тасдиқлади.