Футбол бўйича Испания Ла Лигасининг 32-тури доирасида «Эйбар» дарвозасига гол урган Криштиану Роналду шахсий ютуқларидан яна бирини қўлга киритди. Бу ҳақда «Чампионат» хабар берди.
«Эйбар»га қарши ўйиндаги муваффақият Роналду учун Ла Лиганинг жорий мавсумидаги 30-гол эди. Шу тариқа Криштиану кучли бешлик чемпионатларида (Англия, Испания, Германия, Италия ва Франция) олти мавсумдан буён 30 та ёки ундан ортиқ гол уриб келаётган тарихдаги биринчи футболчига айланиб олди.
«Манчестер Юнайтед» сафидан Мадридга 2009 йилда кўчиб ўтган португалиялик футболчи «Реал» сафида ҳозирга қадар турли мусобақалар доирасида 341 та ўйинда майдонга тушиб, 356 та гол уришга муваффақ бўлган.
Изоҳ (0)