4 апрель куни Ўзбекистонда хизмат кўрсатган артист Райҳон Ғаниева ўз фан клуби аъзолари билан учрашди ва уларнинг саволларига жавоб берди. Интервью чоғида берилган саволлар ва Райҳоннинг жавобларини «Дарё» мухбири ва Райҳоннинг мухлиси Улуғбек Худойберганов ёзма шаклда тақдим этди.
Хонанда «Ўзингизни келажакда сиёсатда ҳам синаб кўриб, депутат бўлишингиз мумкинми?» — қабилида берилган саволга жавобан, сиёсатдан узоқ одам эканлигини маълум қилди.
«Ўзбекистондаги партиялар сони тўртта эканлигини ҳозиргина сиздан билдим, раҳмат (савол берган мухлис мамлакатда тўртта партия фаолият юритаётганини айтиб ўтганди). Мен умуман сиёсатдан узоқ одамман. Сиёсат кўпроқ эркакларга ярашадиган иш. Мен санъаткорман. Агар мен депутат бўлсам давлатнинг пулларини кўнглим бўшлик қилиб одамларга бериб юборсам керак», — деди Райҳон кулиб.
Шунингдек, қўшиқчи фан-клуб билан учрашув давомида Москвага шахсий сабабларга кўра сафар уюштиргани, кинодан узоқлашиб кетгани, аммо яхши сценарий чиқса, ўйлаб кўришини, бу йил дам олишга Анталияга эмас, бошқа шаҳарга боришини маълум қилди.
Изоҳ (0)