Тошкентдаги Гёте институти Германиянинг Schlingel халқаро кинофестивали ва «Ўзбеккино» Миллий агентлиги билан ҳамкорликда Тошкент (28 апрель—1 май) ва Фарғонада (3—5 май) навбатдаги «Шум бола» кинофестивалини ўтказади. Бу ҳақда «Газета.uz» хабар бермоқда.
Институт вакилларининг маълум қилишича, томошабинлар Германиянинг Хемниц шаҳрида ўтказилган Schlingel болалар ва ўсмирлар кинофестивалида намойиш этилган фильмлар билан танишиши мумкин. Шунингдек, уларга ўзбек кино усталарининг анимацион фильмлари ҳам намойиш этилади.
Фестиваль доирасида анимация санъати бўйича немис мутахассислари Тошкентдаги Гёте институти ҳамкор мактаблари ўқувчилари учун маҳорат сабоқларини ўтади.
Изоҳ (0)