Сўнгги кунларда Фижида кучли жала кузатилмоқда, деб ёзади «ТАСС». У ерга февраль охирида «Уинстон» тропик циклони ёпирилган эди.
Маҳаллий ОАВлар хабарига кўра, бир неча кундан бери давом этаётган шаррос ёмғир архипелагнинг кўплаб оролларида, жумладан, мамлакат аҳолисининг учдан икки қисми яшайдиган энг йирик Вити-Леву оролида ҳам катта кўламли сув тошқинларини келтириб чиқарган. Айниқса оғир вазият Фижи халқаро аэропорти жойлашган Нади шаҳрида юзага келди.
Ҳукумат 5 апрель куни пастликдаги туманларда жойлашган шаҳар ва қишлоқлар аҳолиси учун бир неча ўнлаб эвакуация марказлари очилганини эълон қилди. Метеорологлар прогнозига кўра, жала яна камида бир кеча-кундуз давом этади.
Изоҳ (0)