Жанубий Корея ва АҚШ ҳарбий бўлинмалари 6 апрель, чоршанба куни сув тўсиқларидан ўтиш кўникмаларини синовдан ўтказишга қаратилган уч кунлик машғулотларга киришади. Улар КХДР билан чегара яқинида жойлашган Йончхон уезди ҳудудида ўтказилади. Бу ҳақда «ТАСС» хабар бермоқда.
«Машғулотлар тўлиқ кўламли жанговар ҳаракатлар шароитида ўтказилади. Сценарийга кўра, душман кучларига қарши ҳужумга ўтилади. Бунинг учун қўшинларимизга зирҳли техника ёрдамида эни 150 метр бўлган дарёни кечиб ўтишларига тўғри келади», — дея маълум қилган Жанубий Корея қуролли кучлари 6-муҳандислик бригадаси қўмондонлиги вакили.
Маълум бўлишича, машқларга 80 та ҳарбий техника, жумладан, Abrams танклари, Bradley пиёда жанговар машиналари, Black Hawk вертолётлари сафарбар этилади. Кечув учун жанубий кореялик 180 нафар зобит ва аскар қурилиши ҳамда мудофаасини таъминлайдиган понтон кўприк барпо этилади.
Изоҳ (0)