Озарбайжон мудофаа вазири Закир Гасанов қуролли кучларга тан олинмаган Тоғли Қорабоғ Республикаси пойтахти — Степанакертга зарба беришга тайёрланишни буюрди, деб ёзади Meduza.
Вазирлик баёнотида айтилишича, зарба, агар Арманистон томони Тоғли Қорабоғда туташиш чизиғи яқинида жойлашган аҳоли пунктларини ўққа тутишни бас қилмаса, берилади.
Озарбайжон томони Арманистонни яна бир марта халқаро ҳуқуқ қоидаларига риоя қилишга ва тинч аҳолига нисбатан куч ишлатишдан тийилишга чақирди.
Тоғли Қорабоғда 3 апрелдан буён фаол жанговар ҳаракатлар давом этмоқда. Можаронинг иккала томони ҳам бир-бирини вазиятни кескинлаштиришда ва турар-жой туманларини ўққа тутишда айбламоқда.
Изоҳ (0)