Арманистон мудофаа вазирлиги матбуот котиби Арцрун Ованнисян маълум қилишича, агар Озарбайжон тан олинмаган Тоғли Қорабоғни ўққа тутишни бас қилмаса, мамлакат «мос равишда жавоб зарбаси»ни беради. Бу ҳақда «Газета.ru» хабар бермоқда.
«Озарбайжон мудофаа вазирининг буйруғи Бокудагилар Қорабоғда жанговар ҳаракатлар олиб борилаётганини эндигина тушунганини билдиради, холос. Аммо Озарбайжондагилар Арманистон томони янада кучлироқ жавоб зарбасини беришини билиши керак», — деди Ованнисян.
Унинг қўшимча қилишича, мудофаа вазирининг биринчи ўринбосари Европада хавфсизлик ва ҳамкорлик ташкилотининг амалдаги раисининг шахсий вакилини Бокунинг таҳдидлари ҳақида хабардор қилган.
Эслатиб ўтамиз, аввалроқ Озарбайжон мудофаа вазири Закир Гасанов қуролли кучларга тан олинмаган Тоғли Қорабоғ Республикаси пойтахти — Степанакертга зарба беришга тайёрланишни буюрган эди.
Изоҳ (0)