Тоғли Қорабоғда жанговар ҳаракатларнинг давом этиши кенг кўламли урушга айланиб кетиши мумкин. Бу ҳақда Арманистон президенти Серж Саргсян ЕХҲТ давлатлари элчилари билан учрашув чоғида маълум қилди, дея хабар беради «РБК».
«Ҳарбий ҳаракатларнинг авж олиши кўзда тутилмаган ва қайтариб бўлмас оқибатлар, хусусан, кенг кўламли урушгача олиб келиши мумкин. Бу нафақат Жанубий Кавказ, балки Европа минтақаси хавфсизлик ва барқарорлигига ҳам тааллуқли», — дея таъкидлаган Саргсян.
Президент Ереван вазиятни тартибга солиш учун муросага тайёр эканлиги, бироқ «жанговар ҳаракатлар давом этиб, кенг кўламли кўриниш олган тақдирда Арманистон Тоғли Қорабоғ республикаси мустақиллигини тан олиши» ҳақида огоҳлантирди.
Изоҳ (0)