Республикачилар партиясидан АҚШ президентлигига номзодликка даъвогар, миллиардер Дональд Трамп Висконсин штатидаги сайловчилар билан учрашуви чоғида АҚШнинг НАТОдаги иттифоқдошларини ташкилот фаолиятига адолатли ҳисса қўшмасликда айблади. Бу ҳақда «РБК» хабар бермоқда.
«Биз уларни ҳимоя қиламиз, ҳарбий ёрдам кўрсатамиз ва ҳоказо, улар бўлса Қўшма Штатларни шилиш билан овора. Улар олдин тўламай келганларини барчасини бизга тўласин ёки бадарға бўлсин. НАТО йўқолгудек бўлса, шундай бўлақолсин», — дея таъкидлаган Трамп.
Бу Трампнинг НАТОни биринчи бор танқид қилиши эмас. У The New York Times нашрига берган интервьюсида альянс терроризм билан кураш ва Россия таъсирини тийиб туриш учун зарурлигини билдирган рақиби Тед Крузга қарши чиқиб, «НАТО аслида ҳозир мавжуд бўлмаган Совет Иттифоқига қарши туриш учун тузилган. Ҳеч қандай терроризм ҳақида гап ҳам бўлмаган», дея мазкур тузилмага муносабатини билдирганди.
Изоҳ (0)