Respublikachilar partiyasidan AQSh prezidentligiga nomzodlikka da’vogar, milliarder Donald Tramp Viskonsin shtatidagi saylovchilar bilan uchrashuvi chog‘ida AQShning NATOdagi ittifoqdoshlarini tashkilot faoliyatiga adolatli hissa qo‘shmaslikda aybladi. Bu haqda “RBK” xabar bermoqda.
“Biz ularni himoya qilamiz, harbiy yordam ko‘rsatamiz va hokazo, ular bo‘lsa Qo‘shma Shtatlarni shilish bilan ovora. Ular oldin to‘lamay kelganlarini barchasini bizga to‘lasin yoki badarg‘a bo‘lsin. NATO yo‘qolgudek bo‘lsa, shunday bo‘laqolsin”, — deya ta’kidlagan Tramp.
Bu Trampning NATOni birinchi bor tanqid qilishi emas. U The New York Times nashriga bergan intervyusida alyans terrorizm bilan kurash va Rossiya ta’sirini tiyib turish uchun zarurligini bildirgan raqibi Ted Kruzga qarshi chiqib, “NATO aslida hozir mavjud bo‘lmagan Sovet Ittifoqiga qarshi turish uchun tuzilgan. Hech qanday terrorizm haqida gap ham bo‘lmagan”, deya mazkur tuzilmaga munosabatini bildirgandi.
Izoh (0)