Ucell компанияси ўз абонентларига қулай таклифлар, бонус ва совғаларни тақдим этиш имконини берувчи ҳамкорликнинг барча кўринишларини олқишлайди. Ucell мобил оператори «OLX.uz» эълонлар тахтаси билан янги акция бошлади — акция доирасида Ucell’нинг ҳақи олдиндан тўланадиган хизмат кўрсатиш тизими абонентлари www.olx.uz сайти, сайтнинг мобил версияси, шунингдек, OLX’нинг Android ва iOS учун мўлжалланган мобил дастурларидан бепул фойдаланиши мумкин бўлади.
Эслатиб ўтамиз, OLX (аввалги «Torg.uz») — «WWW.uz» миллий қидирув тизимининг рейтинги бўйича Ўзбекистоннинг энг оммабоп онлайн-сервисларидан бири ҳисобланади. «Torg.uz» 2015 йилда OLX’нинг — жаҳоннинг 40 дан ортиқ мамлакатида бепул эълонлар соҳасида фаолият олиб бораётган глобал онлайн-сервиснинг бир қисмига айланди. 2015 йил августидан 2016 йил февралига қадар OLX’нинг ташриф буюрувчилари сони 57 фоизга ўсиб, AT Internet маълумотларига кўра, сўнгги бир ойда 3,2 миллионни ташкил этди.
Агшин Гаджиев, Ucell компаниясининг Истеъмолчилар сегменти директори: «Бу OLX билан ҳамкорликда амалга оширилаётган илк лойиҳа ва, умид қиламизки, у муваффақиятли бўлади. Бу биз учун нафақат Ucell интернет-хизматларининг оммабоплигини ошириш воситаси, балки янги фойдаланувчиларни жалб этиш имкони ҳамдир. Абонентларимизнинг ҳаётини қулай ва осон қилишни истаймиз, шу сабабли ҳам, улар қаерда бўлишларидан қатъий назар, олди-сотди билан боғлиқ ахборотни алмашиш бўйича замонавий воситадан фойдаланиш имконини тақдим этяпмиз. OLX билан ҳамкорликда амалга оширилаётган промо-акция Ucell маҳсулотларини тарғиб қилиш бўйича янги ностандарт каналларни синовдан ўтказиш сифатида ҳам кўрилмоқда».
«OLX.uz» компанияси фойдаланувчиларни рағбатлантириш мақсадида, акция ўтказилаётган даврда эълон жойлаштирган Ucell абонентларининг OLX ҳисобига 3000 сўм туширади. Бир ой давомида учтадан ортиқ эълон жойлаштирган фаол фойдаланувчи iPhone 6s смартфони ёки Ucell’нинг 30 та GSM бонусларидан бирини ютиб олиш имконини берувчи совринли ўйин иштирокчисига айланади.
«Бизнинг ‘OLX.uz’ хизматимизга бепул кириш Ucell’нинг миллионлаб абонентларига olx.uz билан танишиш, интернетга пул сарфламасдан ҳамда ўзи ва яқинлари учун фойдали кўринишда маҳсулотларни сотиш ва сотиб олиш, зарур хизмат ва иш ўринларини топиш имкониятларини очади, — дейди OLX Узбекистанънинг бош директори Вячеслав Кан. — Бу нафақат бизнинг компаниямиз, балки бутун Ўзбекистондаги электрон тижорат учун муҳим бир ҳодиса бўлиб, бунда мамлакатимизнинг аксарият аҳолиси, айниқса, Тошкентдан ташқарида истиқомат қилувчилар замонавий интернет-хизматлардан фойдаланиши ва интернет орқали самара кўриши мумкин бўлади».
Совринли ўйин 2016 йилнинг июнь ойи охирига қадар ҳар ой ўтказилади. Акция тафсилотлари билан http://ucell.olx.uz/ саҳифасида танишиш мумкин.
Реклама ҳуқуқи асосида
Изоҳ (0)