Google kompaniyasi 1-aprel kuni o‘z foydalanuvchilari bilan hazillashishga qaror qildi va Gmail interfeysiga Mic Drop tugmasini qo‘shdi. U bosilganida, suhbatdosh bilan yozishmalarning barchasi bloklanib qoladi. Ushbu hazil bir necha kishining ishsiz qolishiga sabab bo‘lishi mumkin, deb yozadi “Hi-tech.mail.ru”.
Nashr aniqlik kiritishicha, “Jo‘natish” tugmasi yonida paydo bo‘lgan hazilomuz, ammo ishlaydigan Mic Drop tugmasi bosilganida, xat sariq Minyonning GIF-tasviri ilova qilingan holda jo‘natilgan, suhbatni davom ettirish esa mumkin bo‘lmay qolgan, u bloklanib qolgan.
Google’ning beg‘araz bo‘lib tuyulgan hazili ba’zi foydalanuvchilar uchun ishdan ayrilish ehtimolini keltirib chiqardi. Kun davomida kompaniyaga shikoyatlar kelib tusha boshladi, ularda foydalanuvchilar hazil tufayli, o‘z suhbatdoshining javob xatini qabul qila olmayotgani aytildi. Foydalanuvchilardan biri potensial ish beruvchiga xat jo‘natgan, ammo endi u ushbu hazilni deb, lavozimni qo‘lga kirita olmasligi mumkin. Google shundan so‘ng, noxush hazilni o‘chirib qo‘yishga majbur bo‘ldi.
Izoh (0)