Туркия жануби-шарқидаги Диёрбакир шаҳрида теракт юз берди, натижада етти киши қурбон бўлди, дея хабар бермоқда «ТАСС» тараққиёт ишлари бўйича вазир Жавдат Йилмазга таяниб.
«Ҳужум оқибатида етти полициячи ҳалок бўлди, 27 киши жабрланди. Улардан 13 нафари полиция ходимлари ва 14 нафари оддий фуқаролар», — деди у. Яраланганларнинг барчаси касалхоналарга ётқизилди, баъзиларнинг аҳволи оғир бўлиб қолмоқда.
Аниқланган маълумотларга кўра, террорчилар портловчи модда билан тўлдирилган автомобилни масофадан туриб портлатган, у Диёрбакир автовокзали яқинидаги йўл четига тўхтатиб қўйилган бўлган. Портлаш, мина ўрнатилган машинага полициячиларни ташиб кетаётган хизмат автобуси яқин келганида содир бўлган.
Полиция ҳодиса жойини ўраб олиб, текширув олиб бормоқда. Ҳукумат ҳужумкорларни қидириш ва тутиш бўйича кенг кўламли операцияни бошлаб юборди.
Воқеа Туркия бош вазири Аҳмед Давутўғлининг 1 апрелга мўлжалланган Диёрбакирга ташрифи арафасида юз берди.
Изоҳ (0)