Turkiya janubi-sharqidagi Diyorbakir shahrida terakt yuz berdi, natijada yetti kishi qurbon bo‘ldi, deya xabar bermoqda “TASS” taraqqiyot ishlari bo‘yicha vazir Javdat Yilmazga tayanib.
“Hujum oqibatida yetti politsiyachi halok bo‘ldi, 27 kishi jabrlandi. Ulardan 13 nafari politsiya xodimlari va 14 nafari oddiy fuqarolar”, — dedi u. Yaralanganlarning barchasi kasalxonalarga yotqizildi, ba’zilarning ahvoli og‘ir bo‘lib qolmoqda.
Aniqlangan ma’lumotlarga ko‘ra, terrorchilar portlovchi modda bilan to‘ldirilgan avtomobilni masofadan turib portlatgan, u Diyorbakir avtovokzali yaqinidagi yo‘l chetiga to‘xtatib qo‘yilgan bo‘lgan. Portlash, mina o‘rnatilgan mashinaga politsiyachilarni tashib ketayotgan xizmat avtobusi yaqin kelganida sodir bo‘lgan.
Politsiya hodisa joyini o‘rab olib, tekshiruv olib bormoqda. Hukumat hujumkorlarni qidirish va tutish bo‘yicha keng ko‘lamli operatsiyani boshlab yubordi.
Voqea Turkiya bosh vaziri Ahmed Davuto‘g‘lining 1-aprelga mo‘ljallangan Diyorbakirga tashrifi arafasida yuz berdi.
Izoh (0)