Украинада, Беларусь билан чегара яқинида «Янстронг» транспорт компаниясига (Беларусь) тегишли юк машинасидан цирк фили қочиб кетди. Айни пайтда у Украина ҳудудидаги ўрмонда яширинган бўлиши мумкин, дея маълум қилади «Интерфакс».
Юк машинаси ҳайдовчисининг маълум қилишича, 29 март, сешанба куни 15 ёшли фил Украина ҳудуди орқали Беларусга етказиш учун Венгрияда автомобилга юкланган. Цирк вакиллари транспорт компаниясини сафар жонивор учун стрессга сабаб бўлиши мумкинлиги ҳақида огоҳлантирган. 31 март, пайшанба куни эрталаб, Украина ҳудудини кесиб ўтиб, Беларусь чегарасига яқинлашаётганда ҳайдовчи транспорт воситасини кўздан кечириш учун тўхтайди. Шу пайтда фил эшикни бузиб, ўрмон тарафга қочиб кетади
«Бундай ҳодиса амалиётимизда биринчи бор рўй бериши. Яқинда Украина цирки учун ҳайвонларни олиб келгандик, ҳеч қандай муаммо бўлмаганди. Қандай йўл тутиш ҳақида бир қарорга келиш учун Венгрия цирки ва Украина чегара хизмати билан боғландик. Нима бўлганда ҳам, юк суғурта қилинган ва жониворни қидириш билан профессионаллар шуғулланмоқда. Яқин орада қочоқ филни топишимизга ишончимиз комил», — дея таъкидлаган «Янстронг» вакили.
Изоҳ (0)