Машҳур меъмор Заха Ҳадид Майамидаги госпиталда юрак хуружи туфайли 65 ёшида вафот этди. Бу ҳақда «РБК» хабар бермоқда.
Ҳадид 1950 йили Бағдодда туғилган, бироқ асосан Буюк Британияда яшаган. 1977- йили Лондон меъморлар ассоциациясида таҳсилни тамомлаган, орадан икки йил ўтиб Zaha Hadid Architect компаниясига асос солган.
Унинг ишлари орасида Римдаги XXI санъати миллий музейи, Лондондаги сув спорти турлари маркази, Бокудаги Ҳайдар Алиев маркази, Синсинатидаги (АҚШ) замонавий санъат маркази ва Гуанчжоудаги (Хитой) опера театрини эслаб ўтиш мумкин. У, шунингдек, Саудия Арабистонидаги Қирол Абдулла нефтни ўрганиш ва тадқиқ қилиш маркази (KARSARC), Токиодаги 2020 йилги Олимпиада ўйинларининг бош стадиони ва футбол бўйича Қатарда ўтказиладиган ЖЧ—2022 нинг Al Wakrah стадионининг лойиҳаларини яратган.
Ҳадидга 2004 йили меъморчилик соҳасида Нобель мукофотига тенглаштириладиган Притцкер мукофоти тақдим этилган, 2016 йили эса Британия меъморлари қироллик институти (RIBA) олтин медалини олган биринчи аёл бўлганди.
Изоҳ (0)