AQShning Jon Xopkins universiteti jarrohlari birinchi marta OIV (odam immun tanqisligi virusi)ga chalingan o‘lik donordan ushbu virus bilan kasallangan ikki bemorga jigar va buyrakni ko‘chirib o‘tkazdi, deya xabar bermoqda Los Angeles Times. Operatsiya immun tanqisligi bo‘lgan odamlardan organlarni transplantatsiya qilishga qo‘yilgan 25 yillik taqiqning tugallanganini bildiradi.
Shifokorlar so‘zlariga ko‘ra, bemorlar operatsiyadan so‘ng o‘zlarini yaxshi his qilmoqda. Ulardan biri OIV bilan kasallanganidan 30 yil o‘tgach, yangi buyrakka ega bo‘ldi va kasalxonadan chiqarildi. Shifokorlar ikkinchi bemorning ahvolini nazorat qilib turibdi, uning gepatitdan zarar ko‘rgan jigarini almashtirishdi, tahlillar organ to‘g‘ri ishlayotganini ko‘rsatmoqda.
OIVga chalingan organlar transplantatsiyasi bo‘yicha ushbu operatsiya 1988-yil — bunday operatsiyalarni taqiqlovchi qonun kuchga kirganidan buyon birinchi marta o‘tkazildi. 2013-yildagina hukumatning HOPE loyihasi ma’qullangach, taqiq bekor qilingan edi.
Izoh (0)