Қозоғистонда аҳолининг хорижий валютага бўлган талаби ўн йил ичидаги энг паст кўрсаткичгача тушиб кетди. Бу ҳақда республика Миллий банки раиси Дониёр Акишевга таяниб, «ТАСС» хабар берди.
«Январь ойида валюта айирбошлаш пунктларида аҳоли томонидан бор-йўғи 213 миллион АҚШ доллари сотиб олинган, бу сўнгги ўн йил ичидаги энг паст кўрсаткичдир. Февраль ойида эса тенденция нафақат кучайди, балки ўз йўналишини кескин тарзда ўзгартирди ҳам. Биринчи марта айирбошлаш пунктларининг операциялари сальдоси, аҳоли хорижий валютани сотиб олмаганини, балки ундан оммавий равишда қутулганини кўрсатди», — деди у.
Акишев, шунингдек, миллий валютадаги банк омонатлари кўпайганини айтди, улар февраль давомида ва мартнинг биринчи ярмида 307 миллиард тенге (890 миллион доллар)га ошган.
Миллий банк раҳбари сўзларига кўра, хорижий валютага бўлган талабнинг тушиши ва тенгега ишончнинг ортиши янги иқтисодий шароитларга кўникиш даврининг якунланганини билдиради.
Изоҳ (0)