Брюсселдаги теракт қурбонлари сони шифохоналардаги тўрт нафар ярадор вафот этгандан сўнг, 35 кишига етди. Бу ҳақда мамлакат соғлиқни сақлаш вазири Магги де Блокнинг маълумотига таяниб, «РИА Новости» хабар беради.
«Тўрт нафар бемор шифохоналарда вафот этди. Шифокорлар қўлидан келган барча ишни қилди. Қурбонларнинг жами сони 35 нафарга етди», — деб ёзди вазир Twitter’даги саҳифасида.
Маълум қилинишича, аэропорт ва метродаги портлашларда 31 киши воқеа жойида ҳалок бўлган. Яна тўрт киши шифохоналарда вафот этган. Бу рўйхатга уч нафар худкуш киритилмаган.
Теракт натижасида ҳалок бўлганлар Буюк Британия, Италия, Хитой, Нидерландия, Франция, Германия, Швеция ва АҚШ фуқаролари бўлган.
Изоҳ (0)