Ўзбекистонда хўжалик судлари фаолиятига замонавий ахборот-коммуникация технологиялари босқичма-босқич жорий қилинмоқда, деб ёзади Олий хўжалик суди матбуот хизмати.
2013 йил бошидан буён хўжалик судларига тақдим этиладиган даъво аризалари ва илтимосномаларни электрон шаклда қабул қилиб олиш тизими ташкил этилган — Олий хўжалик суди расмий веб-сайтида марказлаштирилган электрон дастур ишга туширилган.
Статистик маълумотларга кўра, 2013 йилда хўжалик судларига электрон шаклда жами 1805 та мурожаат келиб тушган бўлса, 2014 йилда уларнинг сони 37 мингдан зиёдни, 2015 йилда эса 58 мингга яқинни ташкил этди.
2013 йил 1 июнидан хўжалик судларида суд далолатномалари суд иши томонларига электрон алоқа воситалари орқали йўналтирилади. 2014 йил 1 январдан эса маълумотларнинг марказлашган электрон базаси ташкил қилинган.
Суд иши иштирокчиларига қулайлик яратиш мақсадида 2014 йил 1 сентябрдан суд мажлисини видеоконференцалоқа режимида ўтказиш таъминланган.
Изоҳ (0)