Тошкент шаҳри Бодомзор маҳалласида йирик автоҳалокат содир бўлгани ҳақида хабар берилган эди. Ҳайдовчилик гувоҳномасига эга бўлмаган, Тошкент банк коллежи ўқувчиси Captiva автомобилида маҳалладаги Cobalt ва Spark автомобилларига зарар етказибгина қолмай, пиёдани ҳам уриб юборган эди, деб ёзади «Даракчи.uz».
Изоҳларда фойдаланувчилардан бири мана шу маҳаллада яшашини, йўл-транспорт ҳодисаси оқибатида унинг маҳалладоши, 3 нафар фарзанднинг онаси жиддий жароҳат олганини билдирган ва унинг шаҳардаги шифохоналарнинг бирида комада ётганини билдирган эди.
Бугун, 26 март куни Facebook ижтимоий тармоғининг Наргиза Ибрагимова исмли фойдаланувчиси ўзининг мазкур ЙТҲда жабрланувчи эканлигини айтди. У йўл-транспорт ҳодисаси оқибатида зарар етказилган Spark автомобили унинг оиласига тегишли эканлигини маълум қилди. Наргиза Ибрагимова, шунингдек, йўл-транспорт ҳодисаси жабрланувчиси бугун вафот этганини ҳам билдирган.
Изоҳ (0)