Футбол бўйича Ўзбекистон ва Филиппин терма жамоалари ўртасидаги ЖЧ—2018 ва Осиё Кубоги—2019 саралаш учрашуви учун 18 мартдан сотувга чиқарилган чипталарнинг 24 мингтаси сотиб бўлинди. Бу ҳақда «Championat.asia» хабар бермоқда.
Ўзбекистон — Филиппин учрашуви 24 март, пайшанба куни 34 800 нафар томошабинга мўлжалланган «Бунёдкор» стадионида бўлиб ўтади. Ўйин учун 28 мингта чипта сотувга чиқарилган.
Хабар беришларича, қолган жойлар хавфсизлик ходимлари ва терма жамоа мухлислар клуби учун ажратилган.
Аввалроқ, марказий секторлар учун мўлжалланган чипталар 20 минг сўм, дарвоза ортидаги секторлар учун чипталар эса 15 минг сўмдан сотилаётгани ҳақида хабар берилган эди.
Изоҳ (0)