Украинанинг Кировоград шаҳри марказидаги Преображенская кўчасида шикаст етказувчи металл элементлар билан тўлдирилган қурилма портлаб кетди. Бу ҳақда TJournal хабар беради.
Гувоҳларнинг сўзларига қараганда, портловчи қурилма «Гранд-тур» сайёҳлик фирмаси биносидаги чиқинди бакида бўлган. Полициянинг маълум қилишича, портловчи қурилма сайёҳлик фирмаси эшигидаги қуйма пластик қувурга яширилган бўлган.
Портлаш натижасида бир киши жабрланган, у шифохонага етказилган. Бинонинг деразалари синган, бир нечта автомобилга зарар етган.
Ҳодиса жойи ўраб олинган, у ерда қутқарувчилар ишламоқда.
Изоҳ (0)