Самарқанд шаҳри кўчалари ва чорраҳаларига йўл ҳаракати қоидабузарликларини аниқлаш учун кузатув камераларини ўрнатиш ишлари давом этмоқда. Facebook’даги «Самарқанд ва самарқандликлар» гуруҳида қолдирилган хабарга шаҳарнинг Мирзо Улуғбек кўчасида ўрнатилаётган камерани кўриш мумкин.
Аввалроқ Самарқанд шаҳрининг Боғишамол кўчасидаги, Амир Темур ҳайкали олдидаги чорраҳаларга ва Регистон майдони олдидаги кўча бўйлаб видеокузатув камералари ўрнатилгани ҳақида хабар берилган эди — ушбу камералар махсус аккумляторга ўрнатилган бўлиб, у электр таъминоти узилган вақтда саккиз соат давомида видеокамера ва светофорларнинг бир маромда ишлаб туришини таъминлайди.
Россиядан олиб келинган кузатув камераларини кейинчалик шаҳарнинг яна етти нуқтасига, хусусан, Мирзо Улуғбек, Ойдин йўл, Гагарин ва Рудакий кўчалари чорраҳаларига ўрнатиш режалаштирилаётгани маълум қилинган эди.
Изоҳ (0)