Ростов-Дон аэропортида Boeing қулашига ёмон об-ҳаво шароити ёки экипаж хатоси сабаб бўлиши мумкинлиги билдирилди

Ростов-Дон аэропортида ҳалокатга учраган Boeing 737-800 йўловчи самолёти қулашига ёмон об-ҳаво шароити ёки экипажнинг эҳтимолий хатоси сабаб бўлиши мумкин. Бу ҳақда ҳуқуқ-тартибот идораларидаги манба маълум қилди, дея хабар беради «ТАСС».

«Ҳалокат арафасида циклон — бўрон ва сониясига 22—27 метрга етган кучли шамол ҳақидаги огоҳлантирув эълон қилинганди. Самолёт мураккаб об-ҳаво туфайли дарров қўнолмаган ва иккинчи айланага кетишга мажбур бўлган. Қайта қўниш чоғида қулаш содир бўлган», — дея таъкидлаган манба.