Россиялик сайёҳларни Дубайдан Ростов-Донга парвозини амалга оширган авиаташувчи жавобгарлиги Россия компаниялари томонидан суғурта қилинмаган. Шундан келиб чиқиб, суғурталаш хорижий компаниялар томонидан бажарилганини тахмин қилиш мумкин. Бу ҳақда «СОГАЗ» компанияси бошқаруви раисининг биринчи ўринбосари Николай Галушин маълум қилди, дея хабар беради «Интерфакс».
«Boeing каби русумдаги самолётларда йўловчи ташиш жавобгарлигининг умумий лимити барча жарбланувчиларга 600 миллион долларни ташкил этади. Россия қонунчилигига кўра эса, авиаташувчининг йўловчилар олдидаги жавобгарлиги алоҳида суғурта қилинади. Ҳар бир ҳалок бўлган шахс учун тўловнинг энг юқори миқдори 2 миллион рублни ташкил этади, дафн маросими учун 25 минг рубль ажратилади», — дея таъкидлаган Галушин.
Эслатиб ўтамиз, 19 март, шанба куни FlyDubai авиакомпаниясига тегишли Boeing 737-800 лайнери Россиянинг Ростов-Дон шаҳри аэропортига қўниш вақтида ҳалокатга учради. Ҳодиса оқибатида самолёт бортида бўлган барча йўловчилар ва экипаж аъзолари ҳалок бўлган.
Изоҳ (0)