Россия Федерацияси Тергов қўмитаси Ростов-Донда Boeing 737-800 қулаши бўйича жиноий иш очди. Бу ҳақда қўмитанинг расмий вакили Владимир Маркин маълум қилган, дея хабар беради «Интерфакс».
Жиноий иш «Эҳтиётсизлик туфайли икки ҳамда ундан ортиқ кишининг ўлимига сабаб бўлган ҳаракат ва ҳаво транспортидан фойдаланиш хавфсизлиги қоидаларининг бузилиши» моддаси бўйича қўзғатилган.
Ҳалокат жойига Тергов қўмитаси раҳбарининг ўринбосари Борис Карнаухов бошчилигида қўмитанинг 50 нафар ходими юборилган. Мутахассислар кучайтирилган махсус криминалистик гуруҳ таркибига киргани билдирилмоқда.
Эслатиб ўтамиз, 19 март, шанба куни FlyDubai авиакомпаниясига тегишли Boeing 737-800 лайнери Россиянинг Ростов-Дон шаҳри аэропортига қўниш вақтида ҳалокатга учради. Ҳодиса оқибатида самолёт бортида бўлган барча йўловчилар ва экипаж аъзолари ҳалок бўлган.
Изоҳ (0)