Тошкентда «Олмазор» метро бекати (собиқ «Собир Раҳимов»)дан Сергели даҳасигача тезюрар трамвай йўли қурилиши амалга оширилади. Буни Тошкент меъморчилик ва қурилиш бош бошқармаси бошлиғи вазифасини бажарувчи Рустам Раҳматуллаев «Народное слово» газетасига берган интервьюсида тасдиқлади, деб ёзади «Газета.uz».
Рустам Раҳматуллаев, ушбу лойиҳа «транспорт билан боғлиқ вазиятни анча яхшилаши»ни қайд этди. Шу билан бирга, қурилишнинг аниқ муддатларини маълум қилмади.
«Йўлларни бўшатиш» учун, шунингдек, шаҳар ташқарисидаги транспорт учун тўққизта автобекатнинг пойтахт чегараларига кўчирилиши ҳам кўзда тутилган, етиб келган йўловчилар у ердан йўлни шаҳар транспортида давом эттиради.
Эслатиб ўтамиз, аввалроқ Тошкент ҳокимлиги Тараққиёт кўчасидан (эски ТошМИ)дан бошланиб, Тошкент механика заводи орқали Оҳангарон йўлига қадар давом этувчи трамвай йўли қурилишидан воз кечгани хабар берилган эди.
Изоҳ (0)