Ўзбекистон пойтахтидаги йўлларнинг умумий узунлиги, Тошкент ҳалқа автомобиль йўлини ҳисобга олмаганда, келажакда ҳозирги 630 километрдан 879 километргача ёки қарийб 40 фоизга оширилади. Бу ҳақда «Народное слово» газетасига берган интервьюсида Тошкент меъморчилик ва қурилиш бош бошқармаси бошлиғи вазифасини бажарувчи Рустам Раҳматуллаев маълум қилди, деб ёзади «Газета.uz».
Ушбу рақам йўллар турли қаватларда ўтадиган транспорт чорраҳалари қуришни ўз ичига олади. Хусусан, Себзордагига ўхшаш чорраҳаларни Бунёдкор ва Муқимий кўчалари («Новза» метро бекати, собиқ «Ҳамза»), шунингдек, Оҳангарон шоссеси ва Тошкент ҳалқа автомобиль йўли («Роҳат» айланаси) кесишган жойларда қуриш режалаштирилмоқда.
У аниқ муддатлар ҳақида гапирмади. Нашр таъкидлашича, «Роҳат» айланасидаги чорраҳани қуриш шу йилга белгиланган.
Изоҳ (0)