Сўнгги бир неча ўн йил давомида Тошкентдаги кўп қаватли уйлар қанчалик ўзгарди? Қайси муаммолар ўтмишда қолиб кетгану, қайси янгиликлар бугунги кун учун одатий ҳолга айланган? Хонадонларимизни янада шинам қилувчи қатор жиҳатлар ва янги технологиялар тақдим этаётган қулайликлар ҳақида қуйидаги бир неча намуна ёрқин таассурот бера олади.
Ғишт
Ўзининг кўп асрлик тарихига қарамай, ғишт ҳали ҳам энг оммабоп қурилиш материалларидан биридир. Технологиялар тинимсиз ривожланмоқда ва бугунги кунда кўп қаватли уйларни қуришда ичи кавак ғиштдан фойдаланиш хонадон эгаларига бир қатор афзалликларни тақдим этмоқда. Кавак ичига тушган цемент қурилиш материалларининг янада қаттиқроқ тортишишини таъминлайди, кўчадан келаётган совуқ ва шовқин учун эса бу яна бир тўсиқдир. Бундай деворлар ортида зинапоядан тушаётган қўшнилар ҳақида ҳам, хонадондаги илиқликни сақлаб қолиш муаммолари ҳақида ҳам унутасиз.
Подъезд
Уйига мебел ёки хонадонига катта маиший техникани олиб кириш вазифаси билан камида бир марта бўлса-да тўқнашган кишилар совет даврида қурилган кўп қаватли уйларнинг зинапоялари бундай мақсадлар учун мўлжалланмаганини ва жуда торлигини исботловчи кўйлак йиртилиши ёки ифлосланиши билан боғлиқ воқеаларни, албатта, ёдда сақлашади.
Янги қурилаётган кўп қаватли уйларнинг подъездлари кенг ва энлик зинапоялардан иборат бўлиб, худди катта ҳовлида юргандек ҳиссиёт улашади.
Подъездларни пардозлаш услуби ҳам ўзгарган — ярми бўялган, ярми оқланган деворлар ўрнини табиий материаллар: мармарли мозаика, травертин, гранит, табиий тош эгаллаган. Бу материаллар нафақат чиройли, балки фойдаланишда самарали ҳам. Масалан, мармар қирилмайди ва ифлос бўлмайди, энг муҳими — жуда чидамли, узоқ муддат хизмат қилади.
Лифтлар
«Ҳозир» фотосида: Murad Buildings компаниясининг барча турар-жой мажмуаларига Fuji лифтлари ўрнатилади
Дириллаган эшиклар, кўтарилиш вақтидаги ғичирлаш ва бошқа шовқинлар ҳамда 40 йил аввал ўрнатилган лифтга чиқиш вақтидаги ваҳимали қўрқувлар ўтмишда қолиб кетди. Уларнинг ўрнига замонавий ва ҳашаматли, зарур қаватга шовқинсиз олиб чиқадиган лифтлар пайдо бўлди. Лифтнинг зангламас пўлатдан тайёрланган чиройли эшиклари эса подъездларга қўшимча кўрк бағишлайди. Энг асосийси, авваллари фақат баланд уйлар лифтлар билан таъминланган бўлса, ҳозирда ҳатто беш қаватли уйлардаги хонадон эгалари ҳам қулай лифтлардан фойдалана олади.
Дераза ромлари
«Ҳозир» фотосида: Murad Buildings компаниясининг барча турар-жой мажмуаларида беш камерали, премиум даражадаги Engelberg дераза ромларидан фойдаланилади
Табиий материалларнинг ашаддий ишқибозлари ҳам ёғоч ромлар етарлича бесамар экани ҳақида ортиқча баҳслашмайди. Қишда намликдан шишиш, ёзда иссиқдан қуриш — буларнинг бари нуқсонларга, ромнинг турли овозлар чиқаришига, деразадаги ойнанинг дириллаб қолишига, оддийгина тавақанинг ёпилмайдиган бўлиб қолишига ва, албатта, охир-оқибат бу ромни таъмирлашга сабаб бўлади. Профил тавақали замонавий пластик ромлар қатор афзалликларга эга. Улар уйдаги илиқликни сақлайди, жимжитликни таъминлайди, юқори даражада овоз ўтказмаслик хусусиятига эга, узоқ муддат беминнат хизмат қилади ва зарурат туғилганда созлаш ҳам қийин эмас.
Ойнапакетлар
Янги технологиялар шарофати билан қаҳратон қишда ойнада пайдо бўладиган музли нақшлар энди ўтмишда қолади. Масалан, уч қаватли ойнапакет кўчадан келаётган шовқиннинг йўлини тўсади ва уйдаги илиқ ҳароратни сақлашга кўмак беради. Бундан ташқари, ойна сингудек бўлса, у майда зарраларга сочилиб кетмайди, балки тирқишни сақловчи плёнкада ушланиб қолади.
Бугунги кунда ойнапакетларни ишлаб чиқаришда оҳакли қоришма ва елимли поролон плёнка ўрнига юқори технологик зичлаштиргичнинг янги авлодидан фойдаланилмоқда.
Индивидуал иситиш
«Ҳозир» фотосида: Икки контурли Navien Ace индивидуал иситиш қозони (Жанубий Кореяда ишлаб чиқарилган)
Ҳар бир квартирадаги индивидуал иситиш ва иссиқ сувни автоном узатиш тизими коммунал хизмат вакиллари билан ортиқча мулоқотда бўлиш, шаҳар иссиқлик қуввати корхонасидан хато чақирувлар келиши, йилига икки марта бир ҳафтадан иссиқ сувнинг ўчирилиши каби ноқулайликлардан қутулиш имконини беради. Бу нафақат қулай, балки жаҳон стандартларига ҳам мос. Ҳар бир истиқомат қилувчи йилнинг исталган фаслида хонадонида ўзи хоҳлаган ҳароратни ўрната олади. Бу масалада энг муҳим жиҳат — хавфсизликнинг барча талабларига жавоб берадиган мақбул иситиш қозонларини ўрнатишдир.
Реклама ҳуқуқи асосида
Изоҳ (0)