Ўзбекистонда 17 март, пайшанба куни ҳаво ўзгариб туради, Қорақалпоғистон Республикаси ва Хоразм вилоятидан бошқа барча ҳудудларда ёғингарчилик кузатилади. Бу ҳақда «Ўзгидромет» маркази хабар бермоқда.
Хабар беришларича, 17 мартга ўтар кечаси Ўзбекистоннинг тоғли ҳудудларида ҳаво ҳарорати -3 даражагача, Қорақалпоғисон Республикаси ва Хоразм вилоятида эса -2 даражагача совиши мумкин. Қолган ҳудудларда +7, +8 даражагача илиқ бўлиши кутилмоқда.
17 март куни кундузи Қорақалпоғистон Республикаси, Хоразм, Бухоро Навоий вилоятларида ҳаво ҳарорати +5...+10 даража, Тошкент, Самарқанд, Жиззах, Сирдарё вилоятларида эса +10...+15 даража илиқ бўлади.
Шунингдек, Фарғона водийси вилоятларида пайшанба куни ҳаво ҳарорати +13 даражагача, Тошкент шаҳрида +12 даражагача, Ўзбекистоннинг тоғли ҳудудларида эса +8 даражагача илиқ бўлиши кутилмоқда.
Изоҳ (0)