«Ўзбекэнерго» ва «Ўзтрансгаз» компаниялари 1 апрелдан бошлаб Ўзбекистон аҳолиси учун электр энергияси ва табиий газ тарифлари ошиши ҳақида маълум қилди. Бу ҳақда «Газета.uz» хабар бермоқда.
Аҳолига бериладиган электр энергиясининг 1 киловатт-соати 167,4 сўмдан 182 сўмгача, электр плиталари билан жиҳозланган турар-жойларда яшовчилар учун 83,4 сўмдан 91 сўмгача ошган (ўсиш — 9%).
Табиий газнинг 1 кубометри келгуси ойдан бошлаб ҳисоблагич бўлганда ҳозирги 208,92 сўм ўрнига 226 сўмни ташкил этади (ўсиш — 8%). Ҳисоблагич бўлмаганда таом тайёрлаш ва иссиқ сув таъминоти учун фойдаланиладиган 10 кубометр газ нархи 3908,3 сўм (ҳозир 3612,95 сўм), иситиш учун 1812,5 сўмдан (1675,55) иборат бўлади.
Эслатиб ўтамиз, олдинроқ 1 апрелдан эътиборан Тошкентда иссиқ ва совуқ сув нархлари кўтарилиши ҳақида хабар берилганди.
Изоҳ (0)