АҚШ модернизация қилинган энг замонавий W88 термоядроли жанговар каллак синовини ўтказди. Бу ҳақда мамлакат энергетика вазирлиги қошидаги ядро хавфсизлиги миллий бошқармаси матбуот хизмати маълум қилди, дея хабар беради «ТАСС».
W88 жанговар зарядлари денгиздан учириладиган Trident II ракеталарига ўрнатилган. Синов чоғида Гавайи яқинидаги Тинч океани полигонида жойлашган «Кентукки» сувости крейсеридан ядро зарядига эга бўлмаган жанговар каллакли ракета учирилган.
Маълум бўлишича, синов аслида ўтган йилнинг 7 ноябрида ўтказилган, бироқ бу ҳақда энди ошкор қилинмоқда. Модернизация қилинган жанговар каллакнинг ҳисоб бўйича тўртинчи синови муваффақиятли ўтгани билдирилмоқда.
Изоҳ (0)