Ҳиндистоннинг Бангалор шаҳридаги Улсур кўли қирғоғида минглаб ўлик балиқ топилмоқда. Бунга сувнинг ифлосланиши сабаб бўлган, бироқ маҳаллий расмийлар вазиятни ўнглашга ҳаракат қилаётгани йўқ, дея хабар беради National Geographic.
Ҳиндистондаги қадимий ва йирик кўллардан бири Улсурни оқава сувлардан ажратиб турувчи тўғон бузилгандан бери унинг қирғоқларида кейинги икки йилдан бери ўлик балиқлар топилмоқда. Тўғон тузатилгани йўқ, оқибатда Улсурга катта ҳажмда тозаланмаган оқава сувлар келиб тушмоқда. Улар эса ўз навбатида сув ҳавзасини гилам каби қоплаб оладиган эйхорния (ёки сув гиацинти) ўсимлиги авж олишига сабаб бўлиб, балиқлар бундай шароитда бўғилиб қолмоқда.
Маҳаллий балиқчилар яқингача ҳар мавсумда 100 килограммгача балиқ овлаб, минтақа бозорларини янги маҳсулот билан таъминлаб келаётганди. Энди улар ишсиз қолди, чунки тутилган балиқ инсон саломатлиги учун хатарли эканлиги айтилмоқда: заҳарланган сув туфайли улар хавфли касалликлар ташувчиси бўлиши мумкин.
https://www.youtube.com/watch?v=DNxDBdq7XLQ
Изоҳ (0)