2016 йил, 15 март куни Тошкент молия институтида «Футбол – миллионлар ўйини» мавзусида давра суҳбати ўтказилди. Бу ҳақда «Дарё» мобил мухбири Фарход Мухамедов хабар берди.
Тадбирга ФИФА рефериси, халқаро тоифадаги ҳакам Равшан Эрматов ва таниқли футбол шарҳловчиси Мирзаҳаким Тўхтамирзаев ташриф буюрди. Тадбирда Равшан Эрматов ФИФА рефериси бўлгунига қадар босиб ўтган машаққатли йўли, футбол бўйича Жаҳон чемпионатларида ҳакамлардаги руҳий ҳолат ва босим ҳамда ҳаёти давомида бўлиб ўтган қизиқарли воқеалар ҳақида талабаларга гапириб берди. Таниқли футбол шарҳловчиси Мирзаҳаким Тўхтамирзаев ҳам футбол ва шарҳловчилик ҳақида ўз фикрларини билдириб ўтди.
Тадбир сўнгида Тошкент молия институтидан Равшан Эрматовга эсдалик совғаси сифатида ўзининг бюсти топширилди. Равшан Эрматов бюстни қўлига олиб: «Энди бирор бир давлатга кетсам, ушбу бюст аёлимга мени эслатиб туради», – дея ўз хурсандчилигини баён этди.
Изоҳ (0)