Экспертлар Samsung’нинг янги флагман смартфонларида эълон қилинмаган функцияни аниқлади, дея хабар бермоқда «Hi-tech.mail.ru». Galaxy S7 ва S7 edge Wi-Fi симсиз тармоғига мустақил равишда уланиб, репитер сифатида бошқа қурилмалар учун симсиз алоқани таъминлай олади.
Функция созламалар менюсидаги «Алоқанинг мобил нуқтаси ва тугуни» бандида ишга туширилади.
Модем режимида смартфон, масалан, ахборот узатиш режими (EDGE, 3G, 4G ва ҳоказо)дан фойдаланиб, интернетга уланади. Сўнг у модем ролини бажарган ҳолда бошқа қурилмалар учун интернет алоқасини ташкил қилади (USB орқали уланганида симли, Wi-Fi ёки Bluetooth орқали эса — симсиз).
Samsung Galaxy S7 ва S7 edge модем режимида ҳам ишлай олади, «Wi-Fi орқали Wi-Fi тарқата» ҳам олади. Бунда улар маълумотларни, масалан, интернетга уланган маршрутизатор ёки алоқа нуқтасидан олади, сўнг Wi-Fi орқали тарқатади.
Эълон қилинмаган ушбу функция Wi-Fi-маршрутизатордан чиқаётган сигнал кучсиз бўлган ҳолатларда долзарбдир. Смартфонлар, репитер ролини бажарар экан, уни кучайтиради ва тармоқ қамровини кенгайтиради.
Изоҳ (0)