Дунёдаги энг йирик саёҳат кемаларидан бири — Harmony of the Seas Сен-Назер портидаги кемасозлик корхонасидан чиқиб, Франция ғарбида денгиз синовларини бошлади. Бу ҳақда «Интерфакс» хабар бермоқда.
Нархи 1 миллиард евро, баландлиги 70, узунлиги 362 метр ва сув сиғими 120 минг тонна бўлган лайнер буюртмачиси АҚШнинг Royal Caribbean International компанияси бўлди. Кема Америкага икки ойдан сўнг етказилиши кутилмоқда.
Harmony of the Seas 18 та палубага эга, бир пайтнинг ўзида 6 мингдан зиёд йўловчини қабул қила олади. Уларга тахминан 2 минг нафар экипаж аъзоси хизмат кўрсатади. Айни пайтда кема бортида 500 га яқин киши бўлиб, улар иштирокидаги денгиз синовлари 13 март, якшанбага қадар ўтказилади.
Изоҳ (0)