АҚШ президенти Барак Обама Эронга қарши амал қилувчи санкциявий режимни яна бир йилга узайтирди. Бу ҳақда «ТАСС» хабар беради.
АҚШ Конгрессига юборилган билдиришномада Обама Теҳрон билан ядро дастури бўйича имзоланган келишув, шунингдек, 2016 йилда Атом энергияси бўйича халқаро агентлик Эрон битим қоидаларини бажараётганлигини тасдиқлаганлигини эслатиб ўтган.
«Шунга қарамасдан, Эрон ҳукуматининг маълум ҳаракатлари ва қарорлари АҚШ манфаатларига зид бўлиб, Қўшма Штатлар миллий хавфсизлиги, ташқи сиёсати ва иқтисодиёти учун фавқулодда таҳдидни юзага келтиришда давом этмоқда. Шу муносабат билан мен Эронга нисбатан аввал эълон қилинган миллий фавқулодда ҳолатни узайтириш ва ушбу таҳдидга жавобан маълум санкцияларни ўз кучида қолдиришга қарор қилдим», — деб таъкидлади АҚШ президенти.
Обаманинг қарорига асосан ушбу режим яна бир йилга узайтирилади.
Изоҳ (0)